*BURI NA* *EPISODE 1* NAKHADIJA UMAR ABDULLAHI (GARKUWAR JARUMAI CE)JARUMAI WRITTERS ASSOCIATION TAKEN MU ALKALAMI YAFI TAKOBI📝📝بسم الله الرحمن الرحيمAbid!Abid !! Abid!!. na jiyo sautin muryar mahaifiya ta daga tsakar gida tana kƙwalamin kira. dam gaba na ya faɗi domin yadda take kiran kaɗai ya tabbatar min da cewa ta dade tana kiran sunana ba tare da na ji ba balle na amsa. Hankali na yana kan television ɗn dake palourn mu ina kallon abnda na saba kallo wato ƙwallo, da ƙarfi na amsa yadda zata jiyo ni sannan na miƙe na nufi tsakar gidan, har na kai bakin ƙofa naji ihu daga cikin television ɗn, da sauri na juyo dn ganin abnda yake faruwa, abnda zai baku mamaki shine tsallen nayi da ƙarfi Ina ihu a ƙofar palourn tare da dunƙule hannu na na doki iska dashi nace "" yesss yesssss. bn ankara ba ina cikin murna ta taji saukar duka da wayar tv a baya na, a guje na fice daga palourn nayi tsakar gida ina kuka sakamakon dukan ya shigeni sosai, saidai wani ɓangare na zuciya ta yana yana cike da farin cikin samun nasarar da team dn da nake spoter suka yi wato dai real madrid wanda mukewa laƙabi da gidan madara.Da bulala a hannun mama tayo kaina tana faɗa niko ba abnda nakeyi sai aikin bata haƙuri. ""Ai dama kun saba dk gidan nan idan akaji ihu da kururuwa kece da Abid, menene amfanin yaron da ba zaka more shi ba ƙattin dake buga boll a tv sun fika mahimmanci a wajansa bayan mudai munsan boll ɗin nan kafurci ce ko da yake yanzu ai zamani ne ba abn mamaki bane mutum ya fice daga musulunci gaba ɗaya, ai kedai Binta haihuwa batayi miki rana ba dk wannan maganganun kishiyoyin mama keyi suna watso mana harara nida mama. zuciyar mama tayi baƙi sosai da sauri ta yadda bulalar ta shige ɗaki, jiki na ba ƙwari na bita cikin ɗakin, a bakin gado na tarar da mama a zaune tana share hawaye, hankali na ya tashi sosai a hankali na ƙarasa na tsuguna kusa da ƙafar ta nace "" dn Allah mama kiyi hakuri bazan sake kallon boll ba na haƙura dn Allah mama ki dena yi mn kuka malam yace Allah yana fushi da wanda iyayen sa suke fushi da shi,""Murmushi na gani a fuskar mama ta dafa kaina kamar wani abu bai faru ba tace"" Abid ni mahaifiya ce kai kaɗai Allah ya barmin ƴan uwan ka do sun mutu bazan taɓa yin kuka a dalilin ka ba in sha Allah, wannan ma ba kaine ka sani kuka ba ina takaicin jifanka da munanan kalamai da matan gidan nan keyi amma kai babu ruwan ka Abid kaƙi canjawa, ba nida burin yanke maka cikin burin ka saidai koda yaushe ina roƙon ubangiji ya zaɓa maka abnda yafi alkairi a cikin rayuwar ka"" nima murmushin nayi nace"" mama kenan dai boll ba kafurci bane ba ko ? bata bani amsa ba saima kama kunne na da tayi ta murɗa da ɗan ƙarfi saida na saƙi ƙara sannan ta saki dk da naji zafi amma naji daɗin yadda tayi dariyar ƙarar da nayi, haƙiƙa ina tsananin son mama ta dk duniya babu mai kula da rayuwa ta sai ta."" Garin kwaki zaka siyo da sugar kazo kasha kafin lokacin islamiyya"" wani irin zafi naji a zuciya ta na rasa meyasa ake bambanta mahaifiya ta da sauran mata Baba na kllm ana yin girki a gidan mu wata rana harda nama amma nida mama saidai musha kwaki ko ta shanya ƙanzo tayi mana jaloup ɗn sa mu ci, abnda yake cimn zuciya kenan kuma narasa wanda zai bani amsa tnda mama ba zata faɗa mn ba.Wani ɗaki ne irin ɗakin ƙauye amma a cikin kauyen ma masu rufin asiri ginin bulo ne na ƙasa yasha yaɓe, daga cikin ƙakin wani buhu ne aka shimfiɗa sai wata jaka daga gefe. wata yariya ce wacce ba zata wuce shekara tara ba kwace a ƙasan buhun ta ƙudundune jikin ta alamun jin sanyi ya bayyana a yanayin ta, bacci take sosai da alamun ta saba da yanayin, kamar daga sama taji saukar ruwa a kanta, a matuƙar gigice ta farka jikin ta yana rawa take ja da baya tana kallon matar dake tsaye kanta tana jijjiga jiki.Eeeee lallai kyayi bacci tnda ni ƙanwar uwar kice in dafa in baki kici, tn ɗazu na gama koko amma kina nan kina baccin asara, shegiya muguwa to wllh idan kika sake kokon nan bai ƙareba sai na lahira ya fiki jin dadi shegiya mayya mai suffar aljanu matar ta faɗa tare da jefa wa yarinyar kwanon da ta zubo ruwan sanyin a ciki sannan ta fice tana mita. a hankali yarinyar ta miƙe jikin ta a jiƙe sharkaf tayi tsamo tsamo cikin ruwan, karkarwa kawai takeyi yayin da haƙoran ta na sama ke haɗuwa da na ƙasa. gefen ɗakin ta kalla ta buɗe wata ƴar jaka ta buhu ta ciro wata doguwar rigar atamfa wacce ta koɗe ta fara canja kala ta saka ta zura hijabin ta wanda tsakiyar kan ya fara yagewa sannan ta fto tsakar gida.robar koko ta ɗauka wacce aka rufe da tire na silver an ɗora ƙananun robobi da ludayin shan kokon a kai.A kanta ta ɗora ta nufi hanyar waje tana jin wani sanyi yana ratsa jikin ta har cikin ƙashin ta.Ruwan da aka kwana anayi yasa hanya ta lalace ƙasa ta jike wajan ba daɗin tafiya haka dai ta dnga lallaɓa wa tana takawa a hankali hannayen ta rike da robar kokon har ta ƙaraso inda suke zama ita da abokan tallan ta. wajan babu kowa sai ita kaɗai dk da tasan ba wanda zai fto talla yau hakan bai hana ta jin kewar mutane ba Ta wuce awa guda a wajan ba tareda taga giftawar koda mutu ɗaya ba bare a siya abnda take saidawa, ga wani mugun sanyi da bacci da yake addabar ta, ƙudundune hannayen ta tayi cikin hijabin ta ta kwantar da kanta akan guiwar ta nan da nan wani nannauyan bacci yayi awon gaba da ita, ta ɗauki lokaci mai ɗam tsaho tana baccin, kamar an tsikare ta tashi ta ɗago kanta da sauri ta fara sauke manyan fararen idanuwan ta akan robobin zuba kokon dake yashe a gefe guda, sannan ta maida kallon ta ga robar kokon wacce babu komai s ciki sai alamun an zuba koko a cikin robar ,Da sauri ta miƙe tsaye ta kama dube dube a wajan, bata ga kowa ba cikin kiɗima da tashin hankali tare da bugun zuciya ta tsinci kanta a zaune dirshan wasu zafafan hawaye na kwaranyowa daga ramin idon ta.

BURI NA labarin wani yaro ne da ya taso da burin zama kwararre dan boll saidai a wajan mahaifin sa boll kafurci me wanda ke yinta ya futa daga musulunci